ليه بقيت حاسة ان مصر كانت و لا تزال محكومة بعصابة شبه عصابات المافيا
؟؟!!
يعني اللامبارك ابتدي في الحكم لطيف ظريف
و قال الكفن مالوش جيوب
وكان ماشي كويس و واحدة واحدة تحول من مبارك الطيار الي
الدون مبارك
و جمال و علاء و شريف و سرور و سالم ….الي اخر اسماء العصابة
المساعدين و الصبيان
اللي ماسكين مصالح البلد
و علشان العصابه الظريفة اللطيفة دي المصرية
تعرف تشتغل و تكسب
لازم يكون الامن مستتب و مافيش قلاقل
و الناس تبقا مش لاقية تاكل و لا تتعلم علشان يبقوا مهمومين
و مشغولين بالبحث عن لقمة العيش بستمرار
او يهاجروا و يسيبوا البلد و تبقى مصلحة بيوسعوا مكان
و لما الشعب زهق و قفش
و ثار علي الدون مبارك
و الرؤؤؤؤؤؤؤس المهمه و رماهم في السجن
طبعا بعد ما كان الدون مبارك هدد و قالك يا انا يا الفوضي
راح باقي العصابة اللي بره اللي ماتسجنوش لسه
ضربوا كرسي في الكلوب و قلبوها فوضي و ضلما
و ما بيعديش اسبوع الا و البلطجية مولعين في حته في البلد
و لو قريتوا عن المافيا هتعرفوا انا بربط بينهم ليه
و في رجال اعمال مصريييين كتيييييييييييييير
بيتعاملوا مع المافيا و خصوصا في السلاح
الرحمة من عندك يارب
———
هضرب لكم مثال
لاس فيجس مثلا دي بلد قطعة من جهنم
كلها قمار مافيش مكان فيها ما فيهوش ماكينة قمار
حتي السوبر ماركت
و طبعا قمار و كل ما يسمي منكر و فاحشة
و مع هذا بلد منضبط جدااااااااا
و منتهي الامان
صبح او ليل او فجر في امان
و مافيش عسكري واحد في الشارع
المااااااااااااافيا مسيطرة علي البلد
علشان السائح مايخافش
و يطمن و يحس انه محمي و ما حدش هيقرب له
و لا يسرقه و السياحة و القمار يتنشطوا
و يلموا فلوس
و هي اعلي ولاية في الضرائب
—–
مين بقا المافيا دول ؟
و ليه شلة مبارك و الشلة اللي بتحكم مصر الان تشبهم ؟
علشان الهدف الاول بيبقا نبيل و كل مايعمل يعمل للخير
بس بعد كده بيقلب غم و نكد علي رؤس الشعب
المافيا
دول جماعات اصلها جزيرة صقلية
في القرن الثالث عشر
علشان اييييييييييييه
؟
علشان مقاومة الغزو الفرنسي
))
شوفتوا الهدف رائع و نبيل ازاي
و طبعا اي كفاح ضد الغزاة بيبقا في سرية و تنظيم محكم يخدم هذه السرية
و تمت المهمة بنجاح
و بعد ماخلصوا علي الغزاة الفرنساوين تحولوا الي عصابات اسرية منتهي النظام و الدقة لا يستطيع اي انسان مهما كانت مهارته الاستخبارتيه ان يخترقه
و علي فكرة مافيش حكومة علي الارض الا و تعاملت معاهم
و حتي حكومات امريكا تعاونت معاهم
صحيح غدرت بيهم بعد كده
بس همه بقا ما سكتوش جننوهم
و كمان اسر المافيا مهيمنة علي أماكن كتير في امريكا
من اهمها نيويورك و شيكاغو و لاس فيجس و اي حته فيها قمار
نيجي نشوف بقا ايه اللي بيحصل تاني اليومين دول فيكي يا مصر
عايزة اكرر تاني
حته مهمه
بهمس بيها في ودن الجماعه
الموضوع بيبتدي
خييييييييييير
و اهداف نبيلة و وطنية
و بيقلب بعد كده شر
الله يرضي عليكم
خالوا بالكم
الكرسي وحش
السلطان وحش
و الفلوس وحشه
و القوة غروره
و الدنيا غروره
و المشكلة الكبري انكم بتلعبوا بالدين
اي بتلعبوا بالنار
و انا شايفة ان الاسلوب بيتكرر تاني
و القصة بتتعاد من اولها
و ربنا يستر
View the Original article
0 comments:
Post a Comment