اشاعة و لا حقيقة

كتر اليومين دول اننا نسمع عن مواقف حصلت مع بعض من الناس

و خصوصا البنات الصغيرات

و اكترها اشاعات

ايه اللي بيحصل ؟

 تعالوا نشوف
الموضوع عن ان في ستات  منقبات او رجال ملتحين

بيتكلموا مع الناس في الشوارع و المحلات و المواصلات العامة

او بالاصح مش بيكلموهم

لأ

بيهددوهم ؟؟ !!  
يعني منقبة تقول لبنت محجبة لابسه لبس عادي

 بنطلون مثلا و بلوزة مش لابسه عباية

 او بنت سافرة مش محجبة اصلا
بكره تلبسي العباية و النقاب غصب عنك

و تمشي محترمة متغطية في الشارع
او ملتحي يهدد بنات في المول بيتمشوا
و يقول لهم بكره نربيكم و نقعدكم في البيوت بدل المسخرة اللي انتوا فيها دي

او يقول لشاب مش مربي دقنه

 ربي دقنك بمزاجك بدل ما هيجي يوم تربيها غصب عنك
الي اخر الكلام الغريب المريب ده
عايزة اقولكم لا الاخوان و لا السلفين بيعملوا كده

!!
ايوووووووة
دول ناس ما اعرفش ملتهم ايه
)
بيحاولوا ينشروا الخوف و الرعب في قلوبنا

بيحاولوا يشوهوا الاسلام  و الاسلامين و همه مش ناقصين

تشويه و كره من الناس

الاسلامين اذكي من كده

بكتيييييييير

بالعكس همه عايزين يكسبوا الناس من كل الفئات

و يحببوهم فيهم

و عاملين حلوين و مقطقطين

علشان الانتخابات الجايه

لأنهم عايزين يسيطروا علي مجلس الشعب القادم

و يثبتوا انهم لسه بيتمتعوا بتأييد الشارع

و حب الناس

و الخبطة اللي اخدوها بحل مجلس الشعب

و كمان الشوري

وجعاهم اووووووي

و عايزين يعوضوا ده كله

فلا يمكن يعملوا الحوارات دي

 و يخوفوا الناس منهم

و بالتالي لا ينتخبوهم

و يفقدوا كراسيهم للأبد في مجلس الشعب

و الاغلبية و الهيصة اللي حصلت في مجلس الشعب المنحل
ياريت اي حد يقابل اي حد منهم

اللي بيخوفوا الناس دول
يمسك فيه و يلم عليه الناس كلها و يطلب له الشرطة

و يعمل له محضر سب و قذف و التسبب في تهييج الراي العام

 و التعدي علي الحرية الشخصية للمواطنين
اكيد ساعتها هنعرف هو مين و ليه بيعمل كده و هو تبع مين

وايه المصلحة من اللي بيعمله ده

؟؟ !!
و الغريب المريب بقا

ان الاعلام ما اتكلمش عن هذه الظاهرة

خاااااااااالص

ما اتكلموش غير عن الست اللي قصت شعر بنت صغيرة في المترو

ما انتوا لما تجاهلتوا الاشاعة

جت واحدة و نفذت التهديد للتأكيد علي الظاهرة

ده غير المدرسة اللي قصت شعر التلميذة الغير محجبة في المدرسة

و لولا ولي امرها اللي عمل محضر للمدرسه ما كنش حد عرف بالموضوع اصلا

و ما نعرفش لحد دلوقتي اتعمل ايه في المدرسة

او الموقف ايه دلوقتي

مين ورا ده كله

و عايزة اقول حاجة
مش كل بنات الاخوان محجبات و مش كل ستاتهم منقبات
و لا كل الاخوان ملتحين

في مسؤلين من الاخوان بيظهروا علي القنوات الفضائيه مش ملتحين

و موضوع اطلاق اللحيه ده سنه

همه هيفرضوا علينا السنة و يخلوها فرض كمان

ياريت نعرف مين اللي من مصلحته انه ينشر الرعب بين الناس
و نقول يارب ارحمنا من الناس دي

View the Original article