كهربا يتكهرب

كل سنة وانتم طيبين

رمضان قرب خلاص ربنا يبلغنا رمضان علي خير

و يعيد ربنا عليكم و علينا كلنا و مصر بخير

و مع فرحة قرب قدوم رمضان نجد ان

 الناس اغلبها ان لم يكن كلها

قلقه من تكرار انقطاع التيار الكهربي و لمدة طويلة قد تصل الي اربع ساعات احيانا

و اريد ان اتحدث هنا في موضوع التيار الكهربي

و سوف اتحدث معكم بالعامية حتي انطلق

لما يكون الحمل تقيل علي شبكة الكهرباء

و مش قادرين و لا ملاحقين علي كمية التيار الكهربائي المسحوب
يبقا الحل مش انهم يقطعوا النور علي الناس في عز الحر الفظيع ده و الصيف لسه في اوله اومال في يوليو واغسطس هتعملوا فينا ايه ؟

او تقطعوا علي الناس الكهرباء
و همه بيتسحروا
و لا و همه بيفطروا
و لا اثناء صلاة التراويح
و الدنيا حر نار و خصوصا ان رمضان السنة دي كمان في عز حر يوليو و اغسطس

و لا انهم يقطعوا الكهرباء علي الناس بكثرة اليومين دول و كل بيت فيه طالب علي الاقل بيمتحن امتحانات اخر السنة

ناهيك عن العيادات التي تعتمد علي الكهرباء في شغلها علي سبيل المثال لا الحصر عيادات الاسنان

و كذلك الحضانات في المستشفيات الي اخر المخاطر اقلها احتباس الناس في المصاعد الكهربائية

طيب الحل ايه ؟
الحل ان عواميد النور اللي في الشوارع منوره طول النهااار تطفي بالنهارعلي الفاضي والشمس منورة الدنيا !!
و با لليل تنور بس تبقا عمود منور و عمود لأ
الحل ان المدرستين اللي امام بيتي واكيد زيهم كتييييييير
النور يطفي فيهم بالليل مش منور طول الليل للأشباح
كمان زينة رمضان الضخمة تتخفض 

مش تمشي بالليل تلاقي الشوارع منورة من الزينة بالليل زي الظهر

و ماحدش يقول لي عايزين تنكدوا علي الناس يعني تعمل زينة رمضان و تنكد علي نفسك بان النور يتقطع عليك باليل

الحل اننا نشوف نزود الطاقة ازي مش نضيق علي الناس لحد ما نشوف الحل

ننتبه ان عندنا الطاقة الشمسية اللي مش مستغله اطلاقااااا

الحل اننا ندور علي بدائل للي موجود ومش مقضي

اسأل اهل الخبرة في العالم اتحرك

معلش يااهل الحكم اتعبوا نفسكم شوية  
في حلول كتير يااهل الحل
اخرها اني اقطع النور علي الشعب
ودي ايام امتحانات و الناس بتمتحن و في ناس المواد الدراسية علي النت اصلا

و لا في رمضان
!!
و طبعا النور لما بيقطع عااااادي خالص  المية بتقطع ورااااه علي طول
طبعا مش اكتر من نص بيوت مصر شغاله بالمواتير وخزانات المية ولما الكهرباء بتقطع المواتير دي بتبقا زي القتيل خلاص

يعني حر ومافيش ميه ولا تكيف ولا مراوح

الرحمة من عندك يارب

فابيبقا لا ميه ولا نور فاضل ايه بقا الغاز و بكده بقينا علي الفطرة اقطعوه هو كمان سايبينه ليه ؟  
عموما حلال فيهم
الدعاء عليهم من الناس كلها
ليل نهار
)
شكلهم لقوا الشعب بقا عنيف و مش طايق نفسه

و كل شوية مظاهرات و اعتصامات و ااضرابات
قالك يعيشوا الرومانسية علي ضوء الشموع

خالي الناس تنبسط

View the Original article