عبد الناصر

السؤال هو

كنت اتحدث مع فتاة عن النكسة او هزيمة سنة ألف تسعمائة سبعة و ستين الثقيلة

فسألتني

في وسط هذا العطش

لقائد حقيقي للأمه
ما هو سر و لغز رد فعل الشعب المصري

علي قرار تنحي الرئيس جمال عبد الناصر عقب نكسة 67 ؟؟!!
الناس بالرغم من النكسة و وجعها و فرض الحراسات و التأميم لكتير من المصانع و الشركات و المحلات الكبري و زوار الفجر ..

لكن كانوا بيحبوه بجنون
ازاى ؟
ليه الحب ده و الناس لم تفقد الثقة فيه ؟

ليه عندما قال اتنحي خرج الشعب كله للشوارع يقولوا له لا

ابقا يا بطل سنكمل معك المشوار و ان شاء الله ننتصر
=======
الاجابة هي :
عبد الناصر كان له كاريزما قوية

و شخصيا و نظرة ثاقبه و مصدقية في التعامل مع البسطاء

المكون الرئيس للشعوب
و عندما اتي ..

حضر و معه احلام البسطاء و هو منهم
اعطي الفلاح 5 فدادين كان اجير فيهم
و مش هتكلم عن فشل هذا العطاء بتفتيت الارض الزراعية

بعد ذلك بالميراث

الي ان اصبح الحال

الشاب يرث قيراط !!

هيعمل بيه ايه هيزرعه ازاي ؟؟

لما ماعرفش يزرعه بنا عليه بيت

و سافر يشتغل برا مصر أصلا ً او نزل العاصمة يشوف له طريق للرزق تانيه

و ضاعت الارض الخصبة الزراعيه  و ضاع محاصيل جميلة زي القطن المصري الجميل و بختفاء القطن المصري تأثرت  مصانع النسيج والقماش المصري

نيجي للعامل بدل ماكان بيشتغل اجير في المصانع

امم له المصانع و جعل من حقه ان يكون في مجلس الادارة
و شاركه في الارباح و عمل له نقابه تحميه
بغض النظر ان العامل ده بلطج بعد كده و مابقاش يشتغل كويس علشان كده كده هو هيقبض اخر الشهر

اما المثقفين و السياسين كان السواد الاعظم منهم ضد الملكيه

و اللي بيعمله الملك
و احبوا الثورة و التفوا حوله

و الطبقات اللي ماكانتش بتقدر تعلم اولادها عمل لهم مجانية التعليم

اللي طبعا اثاره قوية أوي علينا اليومين دول و الدروس بتاكل من الدخل اكل

ده غير الحلم ببناء السد العالي
التحدي اللي جمع المصريين علي تحقيقه

هذا قليل من كثير مش عايزة الشعب يا ابنتي يحبوا عبد الناصر

صاحب الحلم الجميل اللي اتحقق فعلا

الناس حبته و صدقته و مشيت وراه
كون ان الاحلام لم تكن مدروسه او اتنفذت غلط

بس برضه همه حبوه

و شعوب الوطن العربي ايضا احبته من اجل حلم القوميه العربيه

و مساعدته لهم في كفاحهم ضد الاستعمار
و حروب التحرير

عبد الناصر
ترك اشياء كتير لناس المفروض انهم اهل ثقه متخصصين وطنين
لعبوا باقدار الناس
و خربوها
و اول خراب طهر للعالم كان هزيمة 67

ده اللي بان وعبد الناصر عايش

و الباقي ما اتعرفش غير لما مات عبد الناصر
و الناس الكريهه دي وقعوا ورا بعض و خبطوا في بعض
و بوجود واحد زي السادات عارف الدهاليز
كلها

الناس دي اتفضحت و اتشهر بيها و اتعرف كل شئ
يبقا ان نقول جمال عبد الناصر بشر
و ليس خارق

له عيوب و مميزات

و اي قانون وضعه هو قانون بشري
قابل للصح و الغلط

و يبقا عبد الناصر زعيم حكم مصر
و مات من غير ما يسرق المصريين

يعني ده راي كمواطنه لا خبرة لي بالسياسه

و لكن اسجل ما عاصرته فقط
=============

View the Original article