طبع المصريين

المقال ده مش هينفع يتكتب غير باللهجة المصرية

 ايوووووووووة

مرسي هيتشتم بكل طرق الشتيمه علي الطريقة المصرية

 و هيطلع عليه نكت بعدد شعر راسه و يمكن اكتر

وهيتقلش عليه لما يشبع

و هيترسم فيه كاريكاتير

ساخر و لازع

و هيطلع عليه اشاعات كتييييير

و قصص و روايات

و هيتعارض علي الفاضية و المليانه

 و من كل التيارات و اللاتلافات الثورية و الاحزاب و من رجل الشارع العادي البسيط

الا طبعا تياره و جماعته

 و يمكن كمان يتعارض من شباب تياره

هي الدنيا كده

و هي مصر كده

و احنا المصرييييييين بالذات

عندنا طبيعة جميلة لطيفة بخفة دم

بنتريق علي اي حاجة في اي حاجة

و بنحول الالم لضحكة

وبنصبر نفسنا علي الهم بنكته

و بنقنع نفسنا و بنضحك من قلبنا

و ان ما لقيناش حد نتريق عليه بنتريق علي نفسنا

و كلمة نتريق دي مش موجوده عند حد غيرنا

وماهياش زم ولا حاجة

هاتو لي بني ادم بقا ريس علي المصريين

من بداية الفراعنة لليوم و سلم من التريقه

ونكت

و في العصر الحديث

الرئيس جمال عبد الناصر بالرغم انه كان محبوب من اغلب الشعب الا ان برضوا طلع عليه نكت و اشاعات

و الرئيس السادات رغم انه نغنغ الشعب و عمل انفتاح و حرر سيناء الا انه طلع عليه اشاعات و نكت اكتر من اي حد

و حسني مبارك رغم انه كان ماسك البلد من حديد

و الصحفي اللي كتب خبر ان مبارك مريض

مبارك سجنه

الا انه رغم ده برضوا طلع عليه نكت و اشاعات

كله طلع عليه نكت و اتشتم

نرجع ونقول

ان

مرسي انسان بشر

عاااااااااادي

ممكن يصيب

ممكن يغلط

ممكن يكدب

ممكن يصدق

دي سياسة يا جماعة

و شغل حلق حوش

يارب نبطل نعمل الحاكم اله

و ياريت الناس اللي بتدافع عن مرسي في الفاضية و المليانه يبطلوا

لاحد سامعكم

و لا هتعدلوا المايله

و هتضروا اكتر ماهتنفعوا

نحن المصرين نمتلك من العند

اللي ممكن يتوزع علي العالم

و ماحدش يطلع يقول لي

يعني هو ينفع نتكلم عن ريسنا بقلة ادب

هقوله مع كامل احترامي ايوة ينفع

هي كده احنا المصرين كده

و حضرتك شتمت ريسك قبل كده لما كان مبارك

هتقولي مبارك كان كخه

ماشي بس ريسك برضوا

و كان بيتشتم ليل نهار

و مع كل جبروته ما طلعش علينا حد قال

عيييييييييييييب

انا بقا اللي بقول لكم عيب

عيب افتح النت

الاقي الناس عماله تشتم بعض

علشان مرسي

بتتخانقوا علي ايه

بضيعوا مجهودكم و اعصابكم علي ايه

ما تتلفتوا للمصايب اللي احنا فيها دي

اللي بتعملوه ده

كان السبب في اللي بيحصل كل يوم بين اللي مع و اللي ضد

فضلتوا تتخانقوا بالكلام

لحد ما اترجم الي ضرب

بقا المصري بيضرب اخوه المصري

البلد اصبحت تعاني من فتنه

ارحمونا و ارحموا مصر

اي حد ماشي و مصر هي اللي باقيه

و تاريخنا

هو اللي باقي

مش عايزين التاريخ يكتب ويقول

المصرين قتلوا بعض في يوم من الايام

View the Original article