الو يا مرسي الو هل تسمعني ؟

ما كنتش شوفت 

الخطاب الفهيش بتاع الريس مرسي

الا هو يعني ايه مرسي اصلا ؟

المهم النور قطع علي الصبح امبارح

قلت جميل اشوف الخطاب بقا

و دخلت اليوتيوب و جبت الخطاب الكرنفال الفظيع المريع ده

كل اللي في الاستاد شبه بعض كوبي بيست

تبع افغانستان المحطة فرع القاهرة وضواحيها

الاول اندهشت و بعدها اتحسرت و بعدها عيطت

و بعدها قلت اطلع الغضب ده علي تويتر

ماكفانيش تويتر

اتصلت بواحد اخواني صديق فشيت فيه غضبي

و بعدين جيت هنا نغضب شوية سوا

من الاول كده اللمة الفارغة دي الفضيحة

ماكنش مقصود بيها سوريا و لا يحزنون

دي كان المقصود بيها تهديد باقي المصرين الكفرة

عايز يقول شايفين ال15 الف دول هينزلوا يقطعوكوا

 يعني من الاخر الشباب خائفون حائرون

و بعدين لما يبقا من زمااااااااااااان

القرآن نزل بالحجاز و اتقرا صح في مصر

مين بقا الكابتن اللي جبتوه يقرا القران ده

يعني مصر ما فيهاش مقرئ واحد صوته احسن من الكابتن ده و يقرا صح

ماعلينا ما جتش علي دي

الاموووووور اللطيف اللي بيحمد ربنا ان ربنا مد في عمره وبقا رئيسه مسلم

ياحلااااااااااااوة

ايه المهلبية دي 

اومال كل رؤساء الجمهورية و الملوك والسلاطين والامراء من اول الفتح الاسلامي دول كانوا ايه بوزييين

مش شيفاك غيرهم يعني في نصرة الاسلام

لأنك في اي حاجة تانيه انت لا ترقي ان تكون واحد علي عشرة منهم

اديني بقا امارة انك اسلامي

بتصلي الجمعة من دمنا بمليون جنيه تأمين

 تفتكر ياواد يا اسلامي انت المليون جنيه دول

يعفوا كام شاب و يجوزوه

و لا يستتوا كام امراة معيلة متمرمطه في الشوارع

 بتجري علي عيالها

لا ياسيدي صلي في بيتكم و قيم العدل و الامان

و لقمة العيش الحلال 

يا رئيس يا اسلامي

جنب بيتي بقال من بتوع زمااااااان

ازايز الخمرة مترصصه منورة عنده و مش هو الوحيد

ده مثال بس

و حضرتك رفعت الضرايب علي الخمور

و الملاهي الليلية و صالات القمار ايوة في مصر للي مايعرفش في صالات قمار 

و لعلمكم في مناطق في امريكا ممنوع فيها اي صالة قمار و اللي بيعملها بيتسجن

و يا رئيس يا مؤمن البورصة اللي اجتمع عليها العلماء انها حرام حرام يا ولدي ما لغيتهاش ليه 

افتكرلك ايه و لا ايه و لا ايه ياواد يااسلامي

اقولك كفاية عليك دم الشهداء

من الخطاب حسيت ان فعلا انت و اهلك و عشيرتك خايييف ياللي بتقول انك رئيس لكل المصرين اللي مالقيتش حد منهم في الصالة معاك

لكن المصرين الصح بقا اللي بعد ماصليت قالوا لك ارحل

و كان شكلك وحش بصراحة

نيجي بقا لكلامك الغريب المريب العجيب

اللي في الحكومة و الرياسة و اللمة اللي حواليك مش واخدين بالهم ان من قديم الزمن

رئيس مصر القيمة السيما لما بيكح العالم كله بيسمع الكحة و لو مافهمهاش بيترجمها و يفصصها و يمحصها

 و بعد كده تقول كلام غير مسؤل مالوش دعوة ببعض

انت بتقول في روسيا ان موقف مصر متاشبه تماماااااا مع موقف روسيا من سوريا

امان يا ربي امان

طب دي روسيا و بشار روحين في زكيبه

اومال بتهدد بشار ليه بقا بالجيش بتاعنا

انت بتعلن الحرب علي سوريا ياريس ينيلك

انت اعلنت الحرب كده لو مش واخد بالك

ده السادات في خطبته قبل الحرب قال عمالين يقولوا لي حارب و انا مااقدرش احارب دلوقتي وعمل فيها غلبان

و بعدها ما فيش اقل من شهر هجم برجالة جيش مصر الاسود علي سيناء رجعوها

(سيناء يا مرسيكا اللي متمركز فيها اهلك و عشيرتك )

ياعم خاللي حد من بتوع سياسة و اقتصاد يعرفوك معني الكلام اللي انت بتقوله ده و خطورته

العالم بيضحك علينا يهدك

يا رئيس يا مؤمن انت كده اعلنت الحرب علي دولة عربية 

و علي فكرة العلاقات بينا و بين سوريا مقطوعه من قبل انت ماتيجي 

و كمان انت بتدعي علينا يارئيس كل المصرين 

جايب لي  شيخ علي ماتفرج يدعي علينا 

ضحكتني يابعيد دي سابقه لما يروي مثلها في البلاد

بتدعي علي شعب مصر ؟؟!!

هو ده الاسلام هو ده الدين

بس اه افتكرت اللي في الصالة اهلك وعشيرتك همه المسلمين و احنا اللي مسلمين كده و كده

شوف من الاخر كده المؤتمر ده ماكنش الهدف منه غير انهم يضحكوا عليك ان ماتخافش احنا وراك اهو و معاك

طبعا ما وجودك من وجودهم  اصل انت لو مشيت هيشرفوا علي البوووووورش كلهم تاااااااااني

بس اكتر حاجة ضحكتني منظر مرسي و هو شايل علم يمين و علم شمال

كنت حاسه انه هيطلع نار من بقه زي الحاوي

حلق حوش يسترك

فضحتنا في العلم ربنا ينتقم منك

والو يا مرسي الو هل تسمعني ؟

طيب مستنياك 30 يونيو بقا

View the Original article