لا يفر احدكم
بالنسبة لموضوع غلق المحلات الساعة العاشرة
ايوة انا موافقه
ليييييييييه
؟؟؟؟
الدنيا تهدي شوية
و المرور يتنظم
و نعطي فرصة للناس اللي بتزور بعض
و الناس ترجع تصحي بدري
مش ده الدين بتاعنا
الليل سبات و النهار معاش
و
كده كده الشركات بتقفل الساعة 4
و في الساعة 5
صح
؟
طيب
اللي عايز يشتغل بعد الضهر
عنده من الساعة 4 الي الساعة 10
او من الساعة 5 الي الساعة 10
المصالح الحكومية بتقفل من الساعة 2
و في بتقفل الساعة 3
و طبعا اغلب الموظفين
مش بيقعدوا لحد الموعد المحدد للدوام
و خصوصا اللي بيشتغلوا شغل تاني بعد الظهر
يعني برضوا هيبقا في وقت للي عايز يشتغل شغلانه تانيه
و يزود دخله
علشان الناس اللي بتقول حرام عليكم في ناس بتشتغل شغلتين هيعملوا ايه الحياة صعبة
و كمان اللي هيقفل المحلات التجاريه فقط
لكن المطاعم و الملاهي و السينما و العيادات و المستشفيات
(و اصلا المولات كده كده بتقفل الساعة 11)
كل دول مش هيقفلوا
الساعة 10
يعني في ناس هتشتغل اهو شغلتين
في العالم ما حدش بيفتح 24 ساعه كده غيرنا
سان فرانسيسكو اللي هي قائمه علي السياحه
كله علي 9 قافل
باقي كاليفورنيا علي 5 باي باي كله بيتك بيتك
بما فيهم السوبر ماركت ماعاد سوبر مركت واحد
بيبقا فاتح جزء صغير منه للضرورة
اوروبا كلها كذلك
و ما حدش قالك عجلة الانتاج
العجلة دي مش عند حد غيرنا
محسسني اننا هنعطل صنع الصاروخ عابر للقارات
سنة 83 النظام ده اتعمل
و كان من الساعة 7
المحلات بتقفل
و كانت الدنيا رايقه و هادية و جميلة
و لو رايح تزور حد هتلاقي المرور سهل و رايق
و بعدين كده كده البنزين المحدد ب180
لتر في الشهر هيخلي الناس ماتخرجش اصلا
انا شخصيا مبسوطة من موضوع القفل
الساعة 10 وكان نفسي تبقا الساعة 9
لييييييييييييه
؟؟
العملاء بيدخلوا المعرض من دول الساعة 10 الا ربع
و ما شاء الله يقعدوا يتفرجوا و يتناقشوا نقول ساعتين
مع ان المعارض بتقفل الساعة 10 اصلا
لكن علشان البلد مصحصحه بيقعدوا
لكن لو النظام علي الجميع
مش هيحصل ده
معلش نصحي بدري و نقفل بدري مع ان
الساعة 10
ده مش بدري خالص
و نسيب فرصه للي رايح يزور اهله او الدكتور
و المرور يبقا سهل حبتين
و
تعلوا نشوف الحبيب المصطفي قال ايه في موضوع الرزق ده
؟
( قال رسول الله صلى الله عليه و آله و سلم: لو أن أحدكم فر من رزقه كما يفر من الموت لأدركه رزقه كما يدركه الموت. )
يعني نقفل الساعة 10
نقفل الفجر الرزق لاهينقص و لا يقل
الرزق معلوم
و لو اخدنا نظرة سريعة علي ماليزيا
و تجربتهم الناجحة جدااااا
اللي تحولت بيها البلاد من بلد هامشي لبلد يشار له بالبنان
هنلاقي ان من اهم اللي عمله
رئيس الوزراء مهاتير محمد
صانع النهضة في ماليزيا
انه صحي الشعب الماليزي من النوم ساعة واحدة بس بدري
طبعا انا لو قلت اصحوا بدري ساعة و نشتغل و يبقا كده كأننا قفلنا الساعة 11
هلاقي اللي يهاجمني :)
بقينا ضد اي تغير للأحسن
او اي تغيير للمألوف
عايشين علي وتيره واحدة
و الرفض بقا للرفض من غير اي هدف و لا منطق
و لا اسباب وجيهه
حتي فقدنا لغة الاقتناع والاتصال
View the Original article
0 comments:
Post a Comment