حوشنة

 

؟ يعني ايه كلمة حوشنة

 لن تجدوه في مفردات اللغة العربية او العامية

ده مصطلح اخترعته بدل كلمة وحشة او وحشتوني

او افتقاد شخص ما

اي

الاحساس بالاشتياق

هذا الشعور الغريب

الرهيييييييييييب

القاتل

 و

 كان لازم يتخفف شويه

فا اخترعت الكلمة الكوميدي دي بالنسبالي

اصل في ناس توحشك تقوم  تطلبهم علي  التليفون

 تسمع صوتهم تطمن عليهم

تعرف اخبارهم

مافيش تليفون ارضي !

ما فيش مانع تشد لهم موبايل

و شركات الموبايل دلوقتي عامله عروض كتير

 فا مش خساره في اللي وحشك انك تطلبه كام دقيقة كده علي الماشي

وكمان في ناس سهل تشوفهم

عاااااااااادي

ياتزورهم يا يزوروك 

يا تتقبلوا بره البيوت

بس في ناس لما بتوحشوك

مابتقدرش تطلبهم تسمع صوتهم و لا تقدر تروح تزورهم و تشوفهم

!!

ما بتعرفش تعمل حاجة غير انك تتوجع من فراقهم

وتنبسط اوي لو عقلك الباطن ريحك حبتين

و خلاك تحلم حلم تشوفهم فيه

او جبت صورهم و قلبت فيها هي و الذكريات

و استرجعت كل صورة كانت فين و امتي و ليه 

الناس دي قسمين 

قسم حكم علي نفسه بالفراق و هو عايش علي وش الدنيا

و نفسك ما بتطوعكش مهما وحشوك تسأل عنهم

الفراق هنا اختيارهم

و قسم ترك الدنيا اصلا و رحل في رحلة لا عودة منها ابدا

علي امل اللقاء في الاخرة

و من تجاربي الشخصية

لما بابا توفاه الله

و اتكلمت مع المرحوم باذن الله الشيخ الدكتور المسير

و سالته عن الصلة بيننا و بين من رحلوا عن الدنيا

كيفية هذه الصلة و موجودة و لا لأ و هل بيحسوا بينا؟

وحشينهم زي ماهمه و احشنا كده

لقد سمعت ان لا صلة تكون بين الاموات و الاحياء بينقطع الانسان عن الحياة الدنيا بالموت 

وكل ما يقال ان هناك صلة و ان الاموات في القبور بيحسوا بالزائرين لا صحة له ابدا 

قال لي و هو يبتسم بهدوء كاعادته

لما والدك يوحشك اقري له قرآن و ادعي له 

هترتاحي

لأنك بتضيفي له حسنات ينتفع بها في حياته الجديدة حيث ينقطع عمل الانسان تماما

لقول الرسول الكريم

(صلى الله عليه وسلم) 

ينقطع عمل ابن أدم إلا من ثلاث 

( صدقه جاريه ، أو علم ينتفع به أو ولد صالح يدعو له )

تصدقي علي امواتك و اوهبي لهم القران و ادعي لهم انفع لك و لهم

كل الدعوات و التصدق علي الاموات بتصلهم علي شكل نور يضئ لهم ما حولهم

و هم يشعرون بنا

و فعلا كل ما بابا يوحشني

ابعتله سلام و نور و حسنات عن طريق الدعاء و ان اقرا القران و اوهب الثواب له و اوزع بعض الصدقات لروحه

و عندي اعتقاد انه بيحس بيا و عارف اني فكراه

  و فعلا اصبحت هي دي طريقة الوصل بيننا

و اخيرا عرفت انه بيعرف اني بعتاله السلام

فا كل يوم لازم ادعيله

و ابعت له السلام

الطريقة دي بتريح جداااااااااااا

و بتحس انهم حواليك علي طول

و كمان متونس بيهم و بترتاح نفسينا انك بتعمل حاجة لحد ممكن يكون محتاجها و مش قادر يعملها

و خصوصا لما يكون الحد ده حته منك زي والدك و والدتك

او حتي قريب او صديق عزيز غاب عن الحياة

اللهم اجمعنا بهم علي خير في الاخرة

و تقبلهم في عبادك الصالحين

و قدرنا نحافظ علي الصلة الجميلة التي بيننا و بينهم

آمين

 

View the Original article