أمريكا تخطئ مجددا

ما اشبه اليوم با لبارحة !! يعني يا مرسي بعد ماهددتنا و دعيت علينا كلنا. دلوقتي جاي بعد بيان القوات المسلحة طالق علينا اعوانك و اتباع جماعتك يهددونا بالموت

عايزه اسأل الشاب اللي هيروح يقتل شاب زيه علشان مرسي يستني في الحكم و يتبت في الكرسي لما تقابل ربنا هتقول له ايه ؟ قتلت نفس يارب اللي حرمتها الا بالحق علشان ايه علشان ملك زائل و رجل محب للكرسي اكثر من حبه للحق؟؟

يعني انت لو اتقتلت هتبقا اتقتلت في سبيل ايه ملك شخص و في سبيل هيمنت جماعة متأسلمة . طيب انت لما تروح تقتل هتعرف المصري المتأسلم من المصري بتاع كفار مكة ازاي ؟؟ هتعملوا علامة لبعض يعني ؟ ده في اسر الاب في ميدان التحرير و ابنه في ميدان رابعة و العكس و اكبر مثل صارخ علي الكلام ده بينما يخطب الشيخ القرضاوي في المعتصمين في ميدان رابعة ويحثهم علي القتال، يعتصم ابنه مع كفار مكة في ميدان التحرير . مش خايف ياشيخ لا حد ممن تحثهم علي القتال يقتل ابنك ؟ طيب افهم من كده بقا يعني لو اخ من كفار مكة في التحرير و اخوه من المتأسلمين اللي في ميدان رابعة مين فيهم هيقتل اخوه و يحرق قلب امه عليه؟ طيب هيجيلك قلب تعمل ده طيب و الاصحاب و الاقارب ربنا يرحمنا من الفتنة اللي اتسببت فيها يا مرسي

و ايه موضوع ان بيان القوات المسلحة ما اتاخدش راي الرئاسة فيه ده هو الجيش هياخد الاذن منك و من جماعتك علشان ينقذ مصر و هو في ثورة يناير كان الجيش حلو لما اجبر مبارك انه يتنحي و يمسك مقاليد الحكم علشان كنتوا بتخططوا للنط علي السلطة !! و دلوقتي نفس الجيش بتقولوا عليه مش من اختصاصاته انه يمنح مهله و يتدخل في السياسة و الجيش لحماية الحدود فقط ؟! ايه الحلاوة دي يا رياسة ده انتوا هتشوفوا ايام الناس خلاص ماعدش يهمها و الشعب المصري الجميل ده ماعدش هيضحك عليه مش هتعرفوا كمان ترهبوه بالدين علشان انتم انكشفتم و احذركم من اللعب مع الجيش المصري ده خالع ملك من علي عرشه و خالع غوووول زي مبارك و حاشيته و جنن اليهود فا مش هينفع تلعبوا معاه و لا تستخدموا اسليبكم و لا تستخدموا سلاح المراوغة معاه.

خلااااااص المهلة قربت و باقي ساعات و كل شئ ينكشف و يبان و الجيش يثبت لكم انه حامي حمي البلاد ارض جو بحر واستعملوا العنف و قتلوا في الناس علشان يبقا الحساب عسير و خلاص بعد البيان الناس بتحتفل بعزلك يا مرسي انت وعصابتك عارفة ان الايام القادمة هتحمل الكثير من المفاجأت هتبقا سارة علي ناس و غم علي ناس. طبعا الناس اللي هتبقا غم عليهم انت يا مرسي و جماعتك و المتأسلمين من انصاركم و اهو الناس ابتدت تنفض من حولك و استقالات الوزراء ومن بعدهم الاتنين بتوع المتحدث الرسمي عماله تنزل علي دماغك كالصاعقة وفرحة من الشعب المصري و ساعات و تبقا واقف لوحدك انت و جماعتك ياللي عاملي حامي حمي الشرعية خاللي الشرعية تنفعك !

شرعية ايه اكتر من ان الجيش و الشرطة و القضاء و الاعلام و من قبلهم الشعب اللي هو سيد الموقف مستني ايه اكتر من كده الارض كمان ضدك امشي بقا خالينا نفوق للي جاي

View the Original article