نحن في زمن المهلبية

يا عزيزي نحن في زمن المهلبية و حاسة ان رأسي هتنفجر ليييييييييه ؟ الاقي من علي منصة رابعة يطلع علينا واحد يقولنا هنقاتل و نستشهد و ندمر و نفجر و نصعد و الضرب اللي في سيناء ده مش هيسكت الا لما مرسي يرجع تاني. طيب نبص نلاقي فعلا في ضرب في سيناء و ناس بتموت و عمال راجعين من ورديتهم رايحين بيوتهم علشان يتصحروا مع عيالهم يموتوا جوه الاوتوبيس و بعد شوية في محافظات مصر ضرب و تفجيرات و ناس رايحه علي اللي في التحرير يضربوهم

و بعد ده كللللللله الاقي شباب الاخوان طالعين في كل حته يقولك مش الاخوان اللي بيعملوا كده !! ازاي منك ليه اذا ده كان اللي في الاعلام جايبين فديوهات و بلح امهات و ناس منكم معروفة ظاهرة و واضحه زي الشمس و ياابني مش المنصة بتاعتكم في رابعة قالت انكم هتعملوا كده. ايوة قالت بس ما عملناش حاجة !! ؟؟ حد يحلها لي دي بقا.

جميل طيب السيسي قالك نموت و لا يموتش و احد مصري طيب يا عم الناس بتموت اهي و كتييييييييييير صراحة هو قالك يا مرسي انت قدامك اسبوع تحل مشاكلك مع المعارضة و الشعب طبعا مرسي طنش فالسيسي اداله انذار تاني و لمدة 48 يحل يا يتصرف هو  و مرسي طنش بردوا. و طلعت الرياسة علينا بأي كلام في اي كلام.  و مورسيكا راح قعد في الحرس الجمهوري بيحصن نفسه عندهم راجل طيب علي نياته كان بيحكمنا ازاي الرجل ده ؟؟ !! و اتشال مرسي.

طيب انت بقا يا سيسي يا دماغ و دماااااااغ عاااااليه صراحة انا معجبه بدماغك و رومنسيتك في الاداء طالع علينا تقول لنا ادوني تفويض شعبي افضهالكم!!! تأيد شعبي !!! علشان تحمي مصر و شعب مصر من الارهاب ده هزار و لا جد انا عارفه انك مش بتهزر و انك زعامة مابانتش من سنين و كنت عارفة من اول خطاب الحفلة انك ناويها بس انت مش اقسمت انك تحمي مصر و انت بتتخرج و لا ايه ؟؟ مش احنا عندنا من القوانين الداخلية و الدولية ما يخولك لفض و محاربة الارهاب و لا انا فاهمة غلط .

و انتوا يا اخوان ما تلموا الدور اللي انتوا فيه ده و تسيبكم من فيلم الخيال العلمي اللي انتوا بتصوروه ده قبل ما نلاقي البلاد دخلت في دور ربنا اعلم بيه مرسي مش هيرجع و شكلكم بقا وحش حتي امريكا اتخلت عنكم اللي قعدتوا تنادوا عليها كتير

و شكلها لبستكم سلطنية شبة اللي لبستها لصدام لما قالت له اغزو الكويت و احنا وراك و اوروبا قالت لكم مع السلامة حتي افريقا ابتدت تفهم الوضع ربنا يستر و الايام الجاية صعبة بس ان شاء الله هتعدي . مصر ياما شافت ايام صعبة و ياما اضربت في الخلاط وربك كريم بيرجعها احسن من الاول طبعا مش مدبر الامر كريم سبحانه و تعالي . و مافيش حاجة غير. ان الله غالب علي امره

View the Original article