الله اكبر عليكي يا مصر

الله اكبر عليكي يا مصر ما حدث في مصر يوم 26 يولية شئ مبهر عظيم اسطورة مختومة بختم فرعوني الملامح و الجذور خرج المصرين مع بعض مسلمين مسحيين صايمين و من اروع الملاحم اللي ممكن توشفها الانسانية و قت اذان المغرب الجوامع ترفع الاذان مع انطلاق اجراس الكنائس حد شاف كده قبل كده انتوا فين يا للي بتتكلموا عن الطائفية في مصر تعالوا شوفوا اكبر افطار جماعي تعرفه الانسانية المصريين جميعااااااا علي  اكبر مائدة افطار.

الله عليكي يا مصر ما حدش بيقدر يقهرك و لا حد يستجري يغير ملامحك خرج ناسك يقولوا لا لا لا لا للأرهاب ما لكش عيش عندنا يا تعيشوا بسلام معانا في وسطية و سماحة المصرين اهلا بيكم هتقتلوا فينا و تغيروا هويتنا لأ عندك هنخرج لك و نقولك لا . اعمل اللي انت عايزة لكن ما ينفعش تلعب في هوية مصر لا بالحنيه و لا بالزوق و لا بالارهاب.

اللي عايز يعيش معانا يعيش معانا كده بعاداتنا بتقالدنا بقوانين المجتمع المصري المتعارف عليها من زمان ده وشم علي جلد مصر ما حدش هيعرف يشيله اطلاقااااااااا . و من اغرب ما شاهدته امس في المظاهرات المظاهرة التي خرجت في الشونة با لغردقة و كان بها مرفوع صور بوتين روسيا ايه الفطنة اللي فيها المصرين دي شاربين سياسة صراحة الصورة دي تهديد لأمريكا يا تلمي نفسك يا هنرجع نبقا مع روسيا تاني حد قبل كده شاف فطنه كده .

نيجي بقا للي بيقول بتوع التحرير حلوين و بتوع رابعة كخه . لأ تعالي بقا بغض النظر علي التقسيمة اللي انت قسمتها للمصرين دي تعالي نشوف بتوع التحرير قعدوا علي قد ما قعدوا ما حبسوش السكان في بيوتهم و مافتشوش السكان و همه خارجي و داخلين من بيوتهم و ما استولوش علي جناين العمارات و ناموا فيها و لا ناموا للسكان في مداخل عماراتهم و لا استولوا علي مدرسة و حولوها لمعسكر انتوا دمرتوا منطقة بحالها. الزبالة في كل مكان لما سكان رابعة العدوية خلاص طهقوا . بتوع التحرير قعدوا علي قد ما قعدوا في الميدان كانوا بينضفوا حواليهم منين ما تدخل التحرير تلاقيه نظيف زي الفل . انتوا عملتوا ايه ده حتي حديقة الاورمان الجميلة العالمية اللي بيجيلها ناس من كل اقطار العالم يشوفوا النخيل و الشجر و النباتات النادرة اللي فيها دمرتوها منكم لله .

اللي كانوا في التحرير قعدوا علي قد ما قعدوا ما كنش في سلاح معاهم الا سلاح الايمان بقضيتهم و من قبله الايمان بالله سبحانه و تعالي . انتم معاكم سلاح و مولوتوف و بترهبوا الناس فين السلمية دي . اللي في التحرير ما طلعوش علي المنصة و هددوا حد بالقتل انتوا كل من تكلم عندكم من علي المنصة هدد الشعب المصري بالسحق و القتل و ان شاء الله من سيسحق هو انتم . اللي كانوا في التحرير كانوا بياكلوا ايه اي حاجة و ممكن يقسموا اللقمة سوا و اللقمة بتكون عيش و جبنة حاجة تسد الرمق و خلاص اللي في رابعة ما شاء الله عاملنها مطعم عاملين مطابخ و جايبين خرفان و عجول و جمال و بيدبحوا و يطبخوا و منين ده كله مين اللي بيصرف ؟؟؟ الله اعلم . نهاية العبث ده ان شاء الله قربت و ثقتنا في جيش مصر لا حدودا لها  .

View the Original article