الفتنة

امبارح كنت رايحة ميدان الجامع و يادوب بلف علشان اركن و فجأه لاقيت مظاهرة مؤيدة لمرسي قاطعة الطريق

و ماله مايضرش من حقهم ما حدش يقدر ينكر عليهم ده ما دام سلميين و مؤدبين بس الحقيقة شكل المظاهرة جابلي هلع كوميدي حسيت ان انا بعربيتي في احد شوارع قندهار!! الملابس اللي لابسينها شكلها مش مصري لابسين يا ام

زي الافغان يا زي السعودين يازي مش عارفه عملوه كده  ازاي جلباب قصير جدا باين منه بنطلون قصير برضوا

و صديري اغرب والراس عليها عمه بذيل كده شكلها غريب بصراحة حسيت انها حفلة تنكرية

و حسيت بارتياح شديد للي حصل، احنا كان هيطمس علي  هويتنا التي ننفرد بها. كنا هنبقا قندهار فرع امارة مصر

و انا سامعه حد بيقول ايه السطحية دي ملابس ايه و عمة ايه يا شمس

الملابس هي عنوانك و عنوان تفكيرك و هويتك و انت منين. هو ربنا عملها كده لكل بلد ملابسه الخاصة بيه

تتوافق كمان مع البيئه المحيطة بيه. المهم نيجي بقا للعنف اللي حصل امبارح

ليه العنف علشان هي دي طبيعة التيارات دي كلها تتبعوا تاريخ كل الجماعات و التيارات و الانظمة اللي كده و مش عايزة اقول الاسلامية علشان ده مش اسلام خالص 

هي حلاوة روح مش اكتر يعني علشان ما يتقلش ان رئيسكم ايو رئيسكم ! انا لم انتخب مرسي فبالتالي هو ليس رئيسي و من انتخبه من المصرين هم عاصري الليمون ده كان رئيس بالصدفة

بتقتلوا في الناس علشان ما يقولوش انكم سكتوا و انكم ضعفاء و نسيتوا ان لا تقتل النفس التي حرم الله الا بالحق

هقول لكم ايه تاريخكم دموي و مانسيناش التفجيرات و محلات الدهب اللي سرقتوها

ده غير رجال الاعمال اللي طلعوا منكم في البخت و لموا فلوس البلد قال علشان يوظفوها في الاستثمار وهم الريان و اتباعه وطلعوا بيضاربوا في البورصة !! هي مش البورصة دي حرام يا متأسلمين

المهم انتوا هتفرفروا شوية زي الطير المدبوح و بعيدن هتهمدوا علشان مش فاضين لكم مصر ورانا حاجات كتير عايزة تتعمل

و الحمد لله رؤس الفتنة منكم بيتساقطوا واحد ورا واحد و العجيب الغريب المريب انهم بيتقبض عليهم في بيوتهم قاعدين وسط عيالهم ياكلوا و يشربوا و قاعدين في التكيف و سايبين الشباب اللي اكلوا عقلهم في الشوارع مطحونين انتوا بتضحوا بالشباب علشان تفضلوا في السلطة هي الفلوس و السلطة و النفوذ اقوي من طاعة ربنا كده ربنا ينتقم منكم بحق الفتنة اللي عاملنها في البلد دي

و ماحدش يقول لي ده المشروع الاسلامي اللي هيقول لي كده

هقوله انت عايز تفهمني ان امريكا هتزعل علي مرسي علشان المشروع الاسلامي دي امريكا مولعه من شيل مرسي و انا التاريخ علمني ان اللي تشجعه و تأيده امريكا و تقف جنبه يبقا بيحقق لها منافع كبييييييرة هي و طفلها المدلل اسرائيل. ياتري بقا انت وعدت امريكا بأيه انت و اهلك و عشيرتك عمال تنادي علي الغرب يلحقوك و عمال تقول ان ده انقلاب !! شعب بحاله قام بنقلاب عليك جديدة دي ؟ و لما الجيش شاف ان الشعب عمل انقلاب راح واقف جنب الشعب اظن اول مره في التاريخ شعب يعمل انقلاب و يحميه الجيش لأ و اخدنا موعد مع مرسي و اهله و عشيرته خالي بالكوا هنعمل انقلاب عليكم يوم 30 ربنا يستر و يحمي مصر و يقيها شر الفتن قولوا آآآآآآآآآمين

 

View the Original article