فهمونا ساكتين ليه ؟

الوضع في مصر بقا غريب جدااااا و اغلب المصرين ما بقيناش فاهمين حاجة، لأول مره في التاريخ تطلع اعداد رهيبة من البشر في بلد يتظاهرون سلميا ضد رئيس و اهله و عشيرته و بشهادة العالم ان الاعداد لم تسبق لها مثيل و دخلت مظاهرات مصر موسوعة جينيس. و نده المصرين علي الجيش انه يحل العقدة و لبي الجيش النداء و اتزاحت الغمه و اتعزل مرسي و كل اهله و عشيرته و الشعب خرج يحتفل . و الصدمة كانت من رد الفعل العالمي الرافض لما حدث في مصر !!

 تدخل الغرب في الشؤون الداخلية المصرية و البحث ان كان ده اقلاب و لا ثورة و بعد ما خلصنا من دي دخلنا علي زيارات الوفود الغريبة لمرسي و دخلنا في دهاليز السياسة العالمية. في الزحمة دي اتلم اهل و عشيرة مرسي علي بعض وابتدوا يعتصموا في ميدان رابعة العدوية و ميدان نهضة مصر، و من هنا ابتدت الحكاية و انكشف الوجه الاخر للأخوان و توالت الصدمات.

 ارهاب في سيناء عدي الحدود و تصريحات البلتاجي ان العمليات في سيناء تتوقف برجوع مرسي للحكم !! ؟؟ . كم الاشاعات و العنف و ترويع سكان رابعة و ميدان نهضة مصر و المظاهرات التي عادتا ما تختم بعنف. و من هنا تحرك الفريق السيسي و طلب من الشعب الخروج لتفويض كامل للتعامل مع الارهاب . و خرج الشعب المصري من الصباح للشوارع و الميادين رغم الحر الشديد و الصيام و فوضوا الجيش و الشرطة للتعامل مع الموقف المعقد الذي تعاني منه البلاد.

 علي الجانب الاخر يتوسع الاخوان في ارضية الاعتصام و يتجاوزوا كل الاعراف و يخرقوا القوانين و اهل مناطق الاعتصامات يضجوا و يشتكوا و يستنجدوا. و تمر الايام و الاسابع و لا شئ يحل و لا اعتصامات تفض .و اصبح من خرجوا بالامس يفوضون السيسي لحل المشكلة و عودة الاستقرار مندهشين من اللا شئ الذي يحدث و علي راي المثل المصري لا حس و لا خبر، و الاشاعات شغاله و الارهاب شغال و الاعتصامات شغالة و الفضائيات عماله تنشر في اخبار و محللين اقتصادين و محللين سياسين و خبراء استراتجين الي اخر هذا الوضع الذي اصبح غريب.

 و نجد تصريحات منصة الاخوان في ميدان رابعة العدوية ان في شئ كبير هيحصل و ان مرسي راجع نلاقي لا شئ كبير حصل و لا مرسي رجع. و الشعب في النص مش فاهم حاجة لا من دول ولا من دول ولا من اللي بيحصل و لا من  الوفود اللي بتيجي مصر دي بتعمل ايه ؟ . كلمة للسيسي هل انت دخلت منطقة و انت مش حاسب حسابها ؟ و لو اني اشك في هذا انت رجل مخابرات من الطراز الاول ما اعتقدش . طيب هل انت عندك خطة و مش عارف تنفذها للضغوط الخارجيه عليك ؟ طيب هل مافيش خطة و زي ما بيقولوا دي كانت حرب نفسيه علي الاخوان علشان يشوفوا كم الاعداد الرهيب من الشعب اللي كارهه الاخوان و الارهاب ؟ طيب ممكن يكون عايز تديهم الامان لحد ما العيد يخلص ؟ طيب انتوا ليه ساكتين ليه ما حدش بيطلع يفهمنا ايه الموضوع الوقت طول و الوضع بقا بايخ و الخسارة بتزيد كل يوم و مناطق الاعتصام اللي ادمرت محتاجه شهور طويلة علشان تتصلح الحقوا الباقي منها . 

View the Original article